धादिङमा मनोनयन पत्र दर्ता भएका उम्मेद्धारहरुमा महिलाको सँख्या अत्यन्त न्युन रहेको छ । आगामी मँसिर ४ गते हुने प्रतिनिधी र प्रदेशसभा सदस्य निर्वाचनमा धादिङमा ७४ जनाको उम्मेद्धारी परेकोमा ५ जना मात्र महिला रहेको जिल्ला निर्वाचन कार्यालय धादिङले जनाएको छ । उम्मेद्धारी परेको पुरुषको सँख्या भने ६९ रहेको छ ।
निर्वाचन कार्यालयका अनुसार प्रतिनिधी सभा सदस्य क्षेत्र नम्बर २ मा २ जना महिलाको उम्मेद्धारी परेको छ । यस्तै प्रतिनिधी सभा सदस्य क्षेत्र नम्बर १ को प्रदेश सभा सदस्य क्षेत्र नम्बर १, प्रतिनिधी सभा सदस्य क्षेत्र नम्बर २ को प्रदेश सभा सदस्य क्षेत्र नम्बर १ र प्रतिनिधी सभा सदस्य क्षेत्र नम्बर २ को प्रदेश सभा सदस्य क्षेत्र नम्बर २ मा १/१ जना गरि ३ जनाको उम्मेद्धारी परेको छ । यसबाहेक अरु सबै पुरुषको उम्मेद्धारी परेको निर्वाचन कार्यालयले जनाएको छ ।
२ प्रतिनिधी सभा सदस्य र ४ प्रदेश सभा सदस्य निर्वाचनका लागि ७४ जनाको उम्मेद्धारी परेको हो । आगामी निर्वाचनको लागि झण्डै ७ प्रतिशत मात्र महिलाको उम्मेद्धारी परेको छ ।
