पृथ्वी राजमार्ग अन्तर्गत धादिङको थाक्रे गाउँपालिकाको खयरघारी र गजुरी गाउँपालिकाको पोखरेखोला नजिकको स्थानमा सडक विस्तारको क्रममा जोखिम रहेको भन्दै अब रातको समयमा सडक बन्द गरेर काम गरिने भएको छ । सोमबार प्रमुख जिल्ला अधिकारी बद्रिनाथ गैह्रैको अध्यक्षतामा बसेको बैठकले यस्तो निर्णय गरेको हो ।
बैठकले नौविसे मलेखु सडक खण्डको विस्तार कार्य भईरहेकोमा खयरघारी र पोखरेखोला नजिकको क्षेत्रमा स्वीकृत डिजाईन अनुसार सडक चौडा गर्दा निर्माणको समयमा प्रयोगकर्तालाई हुने सक्ने जोखिमलाई मध्यनजर गर्दै असोज ४ गते देखि असोज २० गते सम्म हरेक दिन राती ११ बजे देखी बिहान ३ बजेसम्म यातायात सेवा बन्द गरि निर्माण कार्य सुचारु गर्ने निर्णय गरेको छ । उक्त समयमा एम्बुलेन्स र सुरक्षा निकायको सवारी साधन बाहेक अन्य सवारी साधन बन्द गरिने निर्णय भएको जिल्ला प्रसाशन कार्यालयले जनाएको छ ।
बैठकमा सहायक प्रमुख जिल्ला अधिकारी हुमनाथ पराजुली सहित सडक आयोजनाका प्रमुख लगायतको उपस्थिती रहेको थियो ।
हेर्नुहोस् सुचना :
