धार्के । धादिङको धुनिबेशी ६ धार्केमा रहेको जालपादेवी ईँटा उद्योगमा कार्यरत मजदुरका बालबालिकालाई शैक्षिक सामाग्री वितरण गरिएको छ । उद्योग परिसरमा प्रयास नेपालद्धारा आयोजित कार्यक्रममा बेटर ब्रिक परियोजना अन्तर्गत १८ जना बालबालिकालाई शैक्षिक सामाग्री प्रदान गरिएको प्रयास नेपालका कार्यकारी निर्देशक दामोदर अर्यालले बताउनुभयो ।
विद्यालय पोसाक, विद्यालय झोला सहितका शैक्षिक सामाग्री धुनिबेशी नगरपालिकाका प्रमुख बालकृष्ण आचार्य, उपप्रमुख निरु खरेल, वडा अध्यक्ष कान्छा तामाङ, समाजसेवी रामचन्द्र आचार्य लगायतले बालबालिकालाई प्रदान गर्नुभएको हो । प्रयास नेपालले जालपादेवी सहितका विभिन्न ईटा उद्योगमा परियोजना सन्चालन गर्दै आएको छ ।
