नुवाकोटमा सवारीसाधन दुर्घटना हुँदा दुईजनाको मृत्यु भएको छ भने तीनजना घाइते छन् । शनिबार बिहान शिवपुरी गाउँपालिका–७, थानाभञ्ज्याङमा बस दुर्घटना भएको प्रहरीले जनाएको छ । उक्त स्थानमा चियाखाजा खाने ठाउँमा बा.प्र.०८–१ ख ००५२ नम्बरको बस रोकिएको थियो । सोही स्थानमा अगाडिपट्टि बा.प्र.३–००१ ज ११७६ नम्बरको माइक्रो भ्यान पार्किङ गरिएको थियो ।
उक्त बस अचानक गुडेर पार्किङ गरेर राखिएको माइक्रो भ्यानलाई ठक्कर दिएको जिल्ला प्रहरी कार्यालय नुवाकोटका डीएसपी इकवाल हवारीले जानकारी दिए । बसले माइक्रोलाई ठक्कर दिएपछि यी दुवै सवारीसाधन सडकबाट करिब ३०र४० मिटर तल भीरमा खसेका थिए । दुर्घटनामा परी मृत्यु र घाइते हुनेमा बसमा सवार यात्रु रहेका उनले बताए ।
दुर्घटनामा पाँचजना घाइते भएका थिए । उपचारका निम्ति उनीहरूलाई काठमाडौंस्थित ग्रीनसिटी अस्पतालमा ल्याइएको थियो । घाइतेमध्ये दुईजनालाई अस्पताल पुर्याउनासाथ चिकित्सकले मृत घोषणा गरेका प्रहरीले जनाएको छ ।
दुर्घटनामा परी काभ्रेपलाञ्चोकको बनेपा नगरपालिका–८ की ५४ वर्षीया कृष्णमाया प्रजापति डंगोल र रामेछापको खाँडादेवी गाउँपालिका–२ की ६५ वर्षीया उदयमाया खत्रीको मृत्यु भएको प्रहरीले जनाएको छ । घाइते तीनमा सर्लाही, काभ्रे र दोलखाका एकरएक महिला छन् । घाइतेको उपचार सोही अस्पतालमा भइरहेको छ ।
