काठमाण्डौँ । वाख्रापालन व्यवसाय सम्वन्धिी ३ दिने तालिम सम्पन्न भएको छ । स्वयं सहायता कृषि सहकारी सस्थाको आयोजनामा रिल परियोजनाको आर्थिक तथा प्राविधिक सहयोगमा सहकारीको सदस्यहरुलाई तालिम दिइएको हो । ३ दिने तालिमको पहिलो दिनमा परिचयात्मक कार्यक्रमबाट शुरु भएको हो । साथै तालिम अवधिभरको निती नियमको निर्माण अपेक्षा सङकलन तथा पुर्वपरिक्षा लगायत सहभागीको समुह विभाजन गरिएको थियो । औपचारिक कार्यक्रमको अन्त्यपछि तालिमको मुख्य विषयमा प्रवेश गरिएको थियो । नेपालमा कृषि क्षेत्रको महत्व तथा योगदान, वाख्रापालन व्यवसायको महत्व तथा सम्भाव्यता, नेपालको पालन गरिरहेका पशुपन्छीको संख्या, पशुपन्छीजन्य उत्पादन विवरण –दुध तथा मासु) विषयमा छलफल गरिएको थियो । त्यसैगरि तालिमको दोश्रो दिनमा वाख्रापालन व्यवसाय वढी भएका जिल्लाहरु, कृषि गणना २०६८ अनुसारको कृषक वर्गिकरण, व्यवसायिक वन्नको लागी आवश्यक पशुपन्छीको संख्या लगायतको विषयमा सहभागीहरुलाई जानकारी गराइएको छ । साथै वाख्राको प्रजाति, घाँस खेती तथा पशुआहाराको व्यवस्थापन वाख्राको खोरको व्यवस्थापन तथा प्रजनन् स्वास्थ्यको विषयमा जानकारी गराइएको हो । त्यसैगरि तालिमको. तेश्रो दिनमा वाख्रामा लाग्ने प्रमुख रोग तथा तिनको रोकथाम, वाख्रामा लाग्ने वाह्य तथा आन्तरिक परजिवीहरु लगायतको विषयमा अन्तक्रियात्मक छलफल भएको छ । त्यसैगरि वाख्रापालन सम्बन्धि अभिलेख, कृषि विमा साथै वाख्रमा रोग लागेमा कसरी चिन्ने र यसको घरेलु उपचार कसरी गर्न सकिन्छ भन्ने विषयमा समेत जानकारी गराइएको छ । साथै तालिमको विच विचम वाख्रापालन व्यवसाय सम्बन्धि भिडियो डकुमेन्ट्री प्रदर्शनमार्फत पनि सहभागीहरुलाई जानकारी गराइएको थियो । सहभागीहरुले पनि तालिम अवधिभर निकै चासोका साथ अन्र्तक्रियात्मक शैलीमा तालिम प्रस्तुतिकरण गरिएको थियो । सहकारीको सदस्यहरुलाई व्यवसायिक रुपमा वाख्रापानल व्यवसायमाफर्त कसरी उत्प्रेरित गराउने र व्यवसायमार्फत उनीहरुको आयस्तर कसरी वृद्धि गर्ने भन्ने उद्देश्य सहित यो तालिम सञ्चालन गरिएको हो । तालिममा २३ जना सहकारीका सक्रिय सदस्यहरुको सहभागिता रहेको थियो भने थाक्रे गाउंपासलकाका नायव पशुस्वास्थ्य प्राविधिक सुरज कोइरालाले तालिमको प्रशिक्षण गराउनुभएको थियो । सहभागीहरुलाई तालिमको प्रमाणपत्र समेत वितरण गरिएको थियो । २०७६ भदौ २५ गते प्रकाशित