धादिङको गंगाजमुना गाउँपालिका-५ निवासी २४ वर्षीया ममता तामाङको जटिल प्रसूति समस्या देखिएपछि हवाई उद्धार गरी उपचारका लागि काठमाडौँ ल्याइएको छ। अवस्था जटिल भई ज्यान नै जोखिममा परेकी तामाङको महिला, बालबालिका, लैङ्गिक तथा यौनिक अल्पसङ्ख्यक र सामाजिक सुरक्षा मन्त्रालयद्वारा सञ्चालित ‘राष्ट्रिय महिला सशक्तीकरण परियोजना’ अन्तर्गत हवाई उद्धार गरिएको हो।
उद्धारलगत्तै उनलाई थप उपचारका लागि काठमाडौँको थापाथलीस्थित परोपकार प्रसूति तथा स्त्री रोग अस्पताल पुर्याइएको छ। हाल अस्पतालमा उनको आवश्यक विशेषज्ञ उपचार भइरहेको छ।
