धादिङ । धादिङमा कोरोना संक्रमणबाट थप एक जनाको मृत्यु भएको छ । आज शनिबार त्रिपुरा सुन्दरी गाउँपालिका वडा नं २ का ४५ बर्षिय पुरुषको मृत्यु भएको स्वास्थ्य कार्यलय धादिङले जनाएको छ । यो सँगै धादिङमा कारोना संक्रमणबाट ज्यान गुमाउनेको संख्या ९ पुगेको छ ।
यस्तै पछिल्लो २४ घण्टामा धादिङमा ४६ जनामा कोरोना संक्रमण पुष्टि भएको छ । थपिएका संक्रमिहरु गल्छि गाउापालिकाका १८ जना, त्रिपुरा सुन्दरी गाउँपालिकाका ८ जना, नीलकण्ठ नगरपालिकाका ८ जना, ज्वालामुखी गाउापालिकाका ४ जना, सिद्धलेक गाउँपालिकाका ३ जना, थाक्रे गाउँपालिकाका ३ जना, गजुरी गाउँपालिकाका १ जना र धुनिबेसी नगरपालिकाका १ जना गरी ४६ जना रहेका छन् ।
संक्रमितहरुमा ५ बर्षदेखी ७० बर्ष उमेर समुहका रहेको स्वास्थ्य कार्यालय धादिङका हेल्थ असिस्टेन्ट मिलन रिजालले जानकारी दिनुभयो । यो सँगै धादिङमा जम्मा संक्रमितको सङ्ख्या ८ सय ३६ पुगेको छ । संक्रमित मध्ये ४ सय २२ जना निको भएका छन् ।
