काठमाण्डौं । पछिल्लो समय सेयर बजार ओरालो लागेको छ । बुधबारको बजार ३.४० अंकले घटेर बन्द हुँदा कारोबार रकममा समेत गिरावट छ ।
यस दिन ४ अर्ब १० करोड रुपैयाँ बराबरको सेयर कारोबार भएको छ । सात वटा उप समुहमा बृद्धि छ भने ६ वटा उप समुहमा गिरावट छ । जीवन र निर्जीवन बीमातर्फ सबैभन्दा बढी गिरावट छ । आज व्यापार (ट्रेडिङ) समुह उचालिएको छ । यो समुह २९६.९७ अंकले वृद्धि भएको छ ।
घटेको बजारमा चन्द्रागिरिको सेयर मूल्य भने ८ सय ४ रुपैयाँ कायम भएको छ । यसको सेयर मूल्य ९.९९ प्रतिशतले बढेको हो । घलेम्दी हाइड्रोपावरको पनि आज सेयर मूल्य बढेको छ । यसको सेयर ९.९२ प्रतिशतले बढेको हो । यसको सेयर मूल्य १ सय ४४ पुगेको छ । आज नेपाल टेलिकम र पूर्वाधार बैंक (निफ्रा) को कारोबार बढी छ ।
नेपाल टेलिकमको ५५ करोड ७० लाख रुपैयाँ बराबरको सेयर कारोबार भएको छ भने निफ्राको २० करोड ७१ लाख रुपैयाँ बराबरको सेयर कारोबार भएको छ ।
