गल्छी । धादिङको गल्छी गाउँपालिकाकी उपाध्यक्ष राधा तिमल्सिनाले चढ्दै आएको गाडी बिरामी बोक्ने दिने बताउनुभएको छ । विश्व व्यापी रुपमा फैलिएको नयाँ प्रजाती सहितको कोभिड-१९ कोरोना भाईरसको लहरले गल्छी गाउँपालिकालाई पनि आक्रान्त पारेकाले अब आफु चढ्दै आएको गाडीलाई एम्बुलेन्स बनाउने बताउनुभएको हो ।
उहाँले यस्तो महामारीको समयमा विरामीहरूलाई आवतजावतमा समस्या नहोस् भनेर आफूले चढ्दै आएको गाडीलाई बिरामी बोक्न दिने घोषणा गरेको जानकारी गराउनुभयो ।
कोरोना रोगको रोकथाम तथा नियन्त्रण समितिको बैठकले पनि गाउँपालिकाका उपाध्यक्ष राधा तिमिल्सिना (लामिछाने) को सवारी साधन बा १ झ ७६६२ लाई एम्बुलेन्स बनाई बैरेनी अस्पतालमा राखिने र गाउँपालिकाको एम्बुलेन्स बा २ झ ४४३७ लाई कोभिड सम्बन्धी अत्यावश्यक कामको लागि मात्र प्रयोग गर्ने पनि निर्णय गरेको छ ।
गल्छि गाउँपालिकामा बुधबारको तथ्याँक अनुसार जम्मा १ हजार ५ सय ३५ जनामा गरिएको पिसिआर तथा एन्टिजेन परिक्षणमा जिल्ला भित्र र बाहिरका गरि ४३३ जना सँक्रमित भएका छन् भने अहिले सक्रिय सँक्रमितको सँख्या १९२ रहेको छ ।
यो पनि : गल्छि र थाक्रे गाउँपालिकाको खाद्यान्न तथा औषधी पसलमा अनुगमन, कुन पसललाई कति जरिवाना र जफत ?
