नुवाकोट । संगम बचत तथा ऋण सहकारी संस्था लिमिटेड, बट्टारले सामाजिक उत्तरदायित्व अन्तर्गत त्रिशुली अस्पताललाई ICU Bed Electric & Patient Monitor उपलब्ध गराएको छ । नुवाकोट जिल्लामा समेत कोरोनाभाईरस (कोभिड –१९) को संक्रमणले वुवाआमा दाजुभाइ दिदीबहिनी हरु उपचाररत रहेको छ र कतिको स्वर्गारोहण भएको अवस्था छ ।
यस्तो विषम परिस्थितिमा समाज भित्र संचालित सगम सहकारीले सामाजिक उतर दायित्ववोध गरि नुवाकोट ,रसुवा र धादिङको जनताले वढि सेवा लिईरहेको वागमति प्रदेश अन्तर्गतको त्रिशूली अस्पतालमा संस्था आफैले १-१ थान ICU Bed Electric / Patient Monitor tyf csf]{ Nepali In Okayama -Japan संयोजकः नवराज वस्नेत (वि न पा ९ ,हाल जापान) को अग्रसरतामा आँशिक आर्थिक सहयोग प्राप्त गरि संगम सहकारीको समेत आर्थिक सहयोगमा पुनःअर्को १-१ थान ICU Bed Electric / Patient Monitor समेत गरि संगम सहकारीले २-२ थान उक्त उपकरण मिति २०७८ जेष्ठ १६ गते आईतवार विहान थोरै संख्यामा संस्थाका पदाधिकारीहरु र सल्लाहकारहरुको उपस्थितीमा भौतिक दूरी र स्वास्थ्य सुरक्षा अपनाउदै संस्थाका अध्यक्ष नारायण श्रेष्ठ र विदुर नगरपालिमा वडा नं ९ का वडा अध्यक्ष शनि चित्रकारले कार्यक्रमका विच हस्पिटलका म्यानेजर रिकेश रानालाई हस्तान्तरण गरिएको छ ।
हस्तान्तरण गरिएको २ वटा आईसियु बेड र मनिटरको मूल्य करिव रु. ६ लाख रहेको संस्थाका कोषाध्यक्ष दिनेश कुमार श्रेष्ठले जानकारी दिनुभयो । हस्पिटल म्यानेजर रानाले अस्पतालमा अहिलेको महामारीमा सुविधा प्रदान गर्न सहयोगी हुने भएकोले हार्दिक धन्यवाद तथा आभार व्यक्त गर्दै हाल ६ आईसियु र ४ भेन्टीलेटर गरी १० बेड रहेकोमा अब देवी कोभिड उपचारको लागि आईसियु बेड १२ पुगेको जानकारी दिनुभयो ।
सहकारीले यसअघि बिरामी बोक्न आवश्यक पर्ने स्ट्रेचर र पानी शुद्धिकरण गर्ने उपकरण KENT RO Water Purifiers उपलब्ध गराएको थियो ।
गतवर्ष विदुर नगरपालिकाको कोरोना राहतकोषमा ५५ हजार ५ सय ५५ रुपैया सहयोग गरेको थियो । यसका अलावा अहिले जिल्ला सहकारी संघ र नुवाकोट वचत तथा ऋण सहकारी संघ ,नुवाकोटको राहतकोष खातामा समेत सहयोग गरेको छ । सहकारीका अवधारणा, सिद्धान्त, सहकारीका मूल्य मान्यता र सहकारी ऐन नियमावलीलाई आत्मसात गर्दै शिक्षा, स्वास्थ्य, खेलकुद, सांस्कृतिक, सामाजिक तथा विभिन्न क्षेत्रहरुमा कार्य गर्दै आईरहेको संस्थाका व्यवस्थापक अजयकुमार थापाले जानकारी दिनुभयो ।
