धादिङ । धादिङको पर्यटकिय क्षेत्र रानीमालामा पर्यटन पार्क निर्माणको लागि यस वर्ष १० लाखको काम भएको छ । सँस्कृती पर्यटन तथा नागरिक उड्ययन मन्त्रालय मार्फत चालु आर्थिक वर्षका लागि विनियोजन भएको १० लाख रुपैँयाले स्काभेटरको सहयोगमा जमिन सम्याईएको गल्छि वडा नम्बर ८ का वडा अध्यक्ष भरत तामाङले बताउनुभयो ।
उहाँले करिब ५ करोडको डिपिआर भएको उक्त स्थानका लागि आगामी आर्थिक वर्षका लागि पनि जम्मा ९ लाख रकम विनियोजन भएको जानकारीमा आएको बताउनुभएको छ ।रानीमाला पर्यटन पार्कमा भ्यु टावर सहितको सँरचना बन्ने भनिएपनि थोरै मात्र बजेट विनियोजन भएको प्रति भने स्थानिय सन्तुष्ट छैनन ।कुनै भरपर्दो ऐतिहासिक तथ्य नभेटिएपनि इतिहासमा कुनै रानीको माला हराएको स्थान भएर उक्त स्थानको नाम रानीमाला रहन गएको स्थानीय बासीको भनाइ छ ।
थप भिडियोमा हेर्नुहोस्..
