धादिङका गठबन्धन दलहरूले वडा तहसम्मै चुनावी तालमेल गर्ने भएका छन् ।आज बैरेनीमा सम्पन्न नेपाली कांग्रेस, माओवादी केन्द्र, एकीकृत समाजवादी र जनता समाजवादी पार्टीका नेताहरूको संयुक्त बैठकले आगामी वैशाख ३० गते हुने स्थानीय तहको चुनावमा जिल्लाका १३ वटै पालिका, १०४ वटै वडा र जिल्ला समन्वय समिति सम्म तालमेल गरेर जाने निर्णय गरेका हुन् ।
धादिङका १०४ वटै वडामा गठबन्धनबाट साझा उम्मेदवार उठाउने निर्णय भईसकेकाले आन्तरिक होमवर्क गर्नको लागि बैठकले गठबन्धन दलका दुई दुई जना रहने गरि कार्यदल समेत गठन गरेको छ । बैठकले गठबन्धन दलको संयुक्त सचिवालय धादिङवेशीमा खोल्ने र अर्को बैठक २८ गते धादिङ वेशीमा बस्ने लगाएत बिभिन्न ८ बुँदे निर्णय गरेको छ ।
गठबन्धन दलहरु बिच आरोप पत्यारोप नगर्न र गठबन्धन दलहरु बिच एक अर्को सदस्य वा मतदातालाई आफ्नो पार्टीमा प्रवेश गराउन नपाईने समेत निर्णय गरेको छ ।
कांग्रेस धादिङका सभापति रामनाथ अधिकारीको अध्यक्षमा बसेको बैठकमा कांग्रेसको तर्फबाट दिलमान पाखिन, रमेश धमला,भिम प्र ढुंगना, विश्व अर्याल माओवादी केन्द्रबाट शालिकराम जम्कटेल, दल ब बुर्लाकोटी, मनराज भण्डारी , दिपक लामिछाने र शम्भु कुमार श्रेष्ठ , एकीकृत समाजवादीबाट राजेन्द्र पाण्डे, गंगालाल तुलाधर ,गुरु बुर्लाकोटी, ईन्दिरा ढुंगाना र शुवास खतिवडा त्यसैगरी जनता समाजवादीबाट राजु नेपाल, बिर ब. तामाङ , राम ब. ढकाल, अर्जुन सापकोटा र अनिल अधिकारी लगायत मुख्य नेताहरुको उपस्थिति रहेको थियो ।
यस्ता छन्,आजका बैठकका निर्णयहरु:
