धादिङका सवै मतदान स्थलमा शान्तिपूर्ण रुपमा स्थानीय तहको निर्वाचन सम्पन्न भएको छ । केही मतदान केन्द्रमा सामान्य विवाद र धकेलाधकेल भएको भएपनि तत्कालै स्थानीय नेताहरुको समन्वयमा उत्पन्न विवाद समाधान गरेर मतदान सम्पन्न गराइएको मुख्य निर्वाचन अधिकृतको कार्यालयले जानकारी दिएको छ ।
धादिङमा १ सय ९ मतदान स्थलका ३०३ वटै मतदान केन्द्रमा छिटपुट सामान्य घटना बाहेक शान्तिपुर्ण रुपमा मतदान कार्य सम्पन्न गरिएको धादिङका प्रमुख जिल्ला अधिकारी कृष्ण प्रसाद लम्सालले जानकारी दिनुभयो ।
निर्वाचनमा कुल ६५ प्रतिशत मत खसेको प्रारम्भिक अनुमान रहेको छ ।
