गल्छि गाउँपालिकामा मतगणना जारी छ । पछिल्लो ६ वटा वडाको मतगणना हुँदा अध्यक्षमा एमालेका केदार खतिवडाले ५ हजार ३ सय ३७ मत ल्याएका छन् । यस्तै गठबन्धनको तर्फबाट एकिकृत समाजवादीका कृष्णहरि श्रेष्ठले ५ हजार १ सय ६१ मत ल्याएका छन् ।
यस्तै उपाध्यक्षमा एमालेका राधा तिमल्सिनाले ४ हजार ९ सय ७५ मत र गठबन्धनको तर्फबाट काँग्रेसका भाईकाजी तिवारीले ५ हजार ५ सय ५० मत ल्याएका छन् ।
यस्तै अध्यक्षमा राप्रपाका रविन काराखेतीले १३५, मँगोल नेशनल अर्गनाईजेशनका विर बहादुर तामाङले १८, नेपाली जनता दलका सन्तमाया विश्वकर्माले १२, जसपा नेपालका रमेश बुढाथोकीले ७ मत र स्वतन्त्रका कान्छा तामाङले ६०, रमेश वाग्ले र हरि भण्डारीले १/१ मत ल्याएका छन् । यि बाहेक स्वतन्त्र हैसियतमा अध्यक्षका लागि उम्मेद्धारी दिएकाहरुको कुनै मत छैन ।
यस्तै उपाध्यक्षमा राप्रपाका राममाया रेग्मीले ९५, मँगोल नेशनल अर्गनाईजेशनका मनिता मोक्तानले १६ मत ल्याएका छन् भने स्वतन्त्र हैसियतमा उपाध्यक्षका लागि उम्मेद्धारी दिएकाहरुको कुनै मत छैन ।
मतगणना अनुसार गल्छिको वडा नम्बर १ मा यसअघि नै एमालेका उम्मेदवार यदुकुमार खतिवडा ११३५ मत सहित वडा अध्यक्षमा निर्वाचित भैसकेका छन् । उनका निकटतम प्रतिद्धन्दी गठबन्धनका माधव प्रसाद खतिवडाले १०४७ मत ल्याएका थिए ।
यस्तै वडा नम्बर २ को वडा अध्यक्षमा एमालेका षडानन्द खनाल १०४७ मत सहित निर्वाचित भईसकेका छन् भने गठबन्धनका रमेश मगर १०३१ मत सहित पराजित भएका छन् ।
यस्तै वडा नम्बर ३ को वडा अध्यक्षमा माओवादी केन्द्रका राजन भुजेल ७२५ मत सहित निर्वाचित भएका छन् भने एमालेका कपिल रेग्मी ४८८ मत सहित पराजित भएका छन् ।
यस्तै वडा नम्बर ४ मा काँग्रेसका राजु अधिकारी ११०६ मत सहित निर्वाचित भएका छन् भने एमालेका जयराम अधिकारी १०४७ मत सहित पराजित भएका छन् ।
यसैगरी वडा नम्बर ५ मा माओवादी केन्द्रका सरोज लामा ९७० मत सहित निर्वाचित भएका छन् भने एमालेका प्रेम बहादुर तामाङ ७०५ मत सहित पराजित भएका छन् ।
यस्तै वडा नम्बर ६ मा नेपाली काँग्रेसका दिपक कुमार कार्की ९४१ मत सहित निर्वाचित भएका छन् भने एमालेका राजकुमार रिमालले ७५८ मत सहित पराजित भएका छन् ।
