धादिङको थाक्रे गाउँपालिकाको सबै ११ वटा वडाको मतगणना सकिएको छ । मतगणना सकिँदा पालिकाको अध्यक्षमा अध्यक्षमा एमालेका रामकुमार आचार्य १०३५५ मत सहित निर्वाचित भएका छन् । उनको निकटतम प्रतिद्वन्दी काँग्रेसका राम प्रसाद विडारीले ८११६ मत ल्याए । अध्यक्षका लागि मतान्तर २२३९ रहेको छ । आचार्यको यो दोस्रो कार्यकाल हो । २०७४ सालको स्थानीय तह निर्वाचनमा पनि अध्यक्षमा विजयी भएका थिए ।
यस्तै माओवादी केन्द्रका यन्त्रबहादुर थापा ९४३१ मत सहित उपाध्यक्षमा निर्वाचित भएका छन् । उनको निकटतम प्रतिद्वन्दी एमालेका अम्बिका रुपाखेतीले ९०९१ मत ल्याईन् । उपाध्यक्षको लागि मतान्तर ३४० रहेको छ ।
थाक्रेका वडा नम्बर १ मा श्यामसुन्दर थापा, वडा नम्बर २ मा टिकाराम तामाङ, वडा नम्बर ३ मा विजय तामाङ, वडा नम्बर ४ मा आसाराम तामाङ, वडा नम्बर ५ मा सन्तबहादुर तामाङ अध्यक्षमा निर्वाचित भएका छन् ।
त्यस्तै, वडा नम्बर ६ मा हिराबहादुर थापा, वडा नम्बर ७ मा युवराज खतिवडा, वडा नम्बर ८ मा प्रेमकुमार थापा, वडा नम्बर ९ मा श्यामचन्द्र आचार्य, वडा नम्बर १० मा गोकुलप्रसाद लामिछाने र वडा नम्बर ११ मा शुदर्शन पाण्डे अध्यक्ष निर्वाचित भएका छन् ।
