धादिङको क्षेत्र नम्बर १ अन्तर्गत प्रदेश सभा २ को मतगणना जारी छ । जारी मतगणना अनुसार गठबन्धनको तर्फबाट प्रदेश सभा सदस्यको उम्मेदवार बनेका माओवादी केन्द्रका शालिकराम जम्कट्टेल ४४७९ मत सहित अगाडी छन् ।
गजुरी र सिद्धलेकको सम्पुर्ण मतगणना सकिएर बेनिघाट रोराङको मत गणना भईरहेको छ । २ वटा पालिका र बेनिघाट रोराङको वडा नम्बर १ र १० को मतगणना सकिँदा जम्कट्टेलले १३५२४ मत प्राप्त गरेका छन् । यस्तै एमालेका गजेन्द्र थपलियाले ९०४५ मत प्राप्त गरेका छन् । अन्य दल तथा स्वतन्त्र उम्मेदवारले १८७५ मत प्राप्त गरेका छन् । २५१९० मत गणना हुँदा ७४६ मत बदर भएको छ ।
अब यो क्षेत्र अन्तर्गत बेनिघाट रोराङको ८ वटा वडाको मतगणना हुन बाँकी छ ।
