धादिङको धुनिवेशी नगरपालिकामा चालु आर्थिक वर्षमा उपभोक्ता समिती मार्फत योजनाहरुको सम्झौता र काम सम्पन्न हुने क्रम जारी छ । चालु आर्थिक वर्षको माघ १५ सम्ममा नगरपालिका अन्तर्गतको ५३ वटा सम्झौता मध्ये ३७ वटा र वडा अन्तर्गतको १२८ सम्झौता मध्ये ५९ वटाको सम्झौता भएको नगरपालिकाको योजना शाखाले जनाएको छ ।
नगरपालिकामा कुल १८१ वटा योजनाहरु रहेका छन् । जसमध्ये १०५ वटा योजनाको सम्झौता भएको हो । सम्झौता भएका योजना मध्ये २७ वटाको सम्पन्न भएको, ७८ बटाको सम्पन्न हुन बाँकी र ७६ वटाको सम्झौता हुन बाँकी रहेको नगरपालिकाले जनाएको छ ।
