हातेमालो साहित्य संगमको विशेष वृहत् रचना वाचन कार्यक्रम शनिबार, प्रज्ञाप्रतिष्ठानको लेखनाथ कक्षमा भव्यताको साथ सम्पन्न भएको छ । लगभग ३ घन्टा चलेको उक्त कार्यक्रममा लगभग ७० जना दर्शक स्रोताहरूमध्ये करिब ४० जनाले आआफ्नो रचनाहरू वाचन गर्नुभएको छ ।
उक्त वाचन विशेष कार्यक्रममा फोटोमा मुक्तक प्रतियोगिताको हालै सम्पन्न भएको १५०औं स्वर्ण विशेषाङ्कमा विजयी हुनुहुने सर्वोत्कृष्ट ५ जना दुर्गाकिरण तिवारी, ऋद्धिमा रिजाल, डिलु बीएम दिल, आर.पी.सी. संगम र सुशिल अर्याललाई जनही नगद रु ५००० र प्रमाणपत्र तथा उत्कृष्ट हुनुहुने ३ जना माया उपाध्याय, रविन्द्र अनुराग र अरुणा श्रेष्ठ अनु लाई नगद रु ३००० र प्रमाणपत्र फोटोमा मुक्तक प्रतियोगिताका परिकल्पनाकार, हातेमालो साहित्य संगमका अध्यक्ष तथा सभापति सुनिल अधिकारी तथा निर्णायक सौरभ कारन्जितले प्रदान गर्नुभएको छ ।
त्यस्तै, उक्त प्रतियोगिताका निर्णायकद्वय सौरभ कारन्जित र बिमल झा तथा प्रायोजकहरू सौरभ कारन्जित, प्रचण्ड गौतम, निलाञ्जला भारद्वाज, छिमेकी दाइ तथा ॠषिराम भुसाललाई पनि प्रमुख अतिथि, सभापति लगायतबाट प्रमाणपत्र प्रदान गरिएको छ ।
प्रसिद्ध गीतरगजलकार करुण थापाको प्रमुख आतिथ्यतामा भएको उक्त कार्यक्रममा विशिष्ट अतिथिमा अनेसास बेल्जियम च्याप्टरका अध्यक्ष सौरभ कारन्जित तथा प्राज्ञ नन्दु उप्रेती रहनुभएको थियो । अन्य अतिथिहरूमा घुम्तीमा मुक्तक संस्थाको अध्यक्ष निर्मल पराजुली, हामी र हाम्रो कृति समुहको अध्यक्ष मदन नेपाल, लक्ष्मीदेवी साहित्यका अध्यक्ष रत्न प्रदीपको उपस्थिति थियो ।
हातेमालो साहित्य संगमको उपाध्यक्ष विपिन मर्म तथा कोषाध्यक्ष पुष्पा धमला स्वप्निलको उद्घोषण रहेको उक्त कार्यक्रमको व्यवस्थापनमा संस्थाको महासचिव बिमला दाहाल, सदस्यहरू जिज्ञासु पौडेल तिलक, दुर्लभ शाह त्यागी , सरिता थापा मगर तथा प्रचण्ड गौतमले गर्नुभएको थियो ।
