धादिङ । सुर्यज्योती लाइफ धादिङ शाखाद्वारा १३ लाख मृत्यु दाबि भुक्तानी हस्तान्तरण गरिएको छ । बेनिघाट रोराङ ९ निवासी राजेश गिरिको वैदेशिक रोजगारमा जाँदा वैदेशिक रोजगार बिमा गरेको र दशैँ तिहार मान्न छुट्टीमा घर आएको बेला मोटरसाइकल दुर्घटना परी मृत्यु भएकोले परिवारलाई मृत्यु दाबि भुक्तानी हस्तान्तरण गरिएको त्रिशुली रिजनका क्षेत्रीय प्रबन्ध जयराम ढुंगानाले बताउनुभयो ।
ढुंगानाका अनुसार वैदेशिक बिमा योजना मार्फत मृतक गिरिको धर्मपत्नी मन कुमारी रिमाल गिरी लाई कम्पनीले १३ लाख बराबरको चेक एक कार्यक्रम गरी बेनिघाट रोराङ ९ नम्बर वडा सचिव उमा रेग्मीको हातबाट हस्तान्तरण गरिएको छ ।
मृत्यु दाबि भुक्तानी हस्तान्तरण कार्यक्रममा वोल्नु हुदै त्रिशुली रिजनका क्षेत्रीय प्रबन्ध ढुंगानाले सुर्यज्योती लाइफ बिमित हो सेवामा कुनै कसुर नराखी काम गर्दै आइरहेको र निकट भबिस्यमा नेपालकै नम्बर एक कम्पनी बन्ने धारणा व्यक्त गर्नुभयो ।
उक्त विमा कम्पनिले नेपालको पहिलो र सर्बधिक सुबिधा सहित घातक रोगको लागि उपचार खर्च प्रदान गर्दै आएको र हाल नेपालमै सस्तो ४० हजारमा २५ लाखको बिमा गर्न सकिने बिमा योजना सार्वजनिक गरेको थियो ।
