नुवाकोटको पहिलो सामुदायिक रेडियो नुवाकोट एफएमले वृहत साँस्कृतीक कार्यक्रम गरेको छ । नुवाकोटको ऐतिहासिक सिन्दुरे जात्राको अवसरमा विदुर नगरपालिका वडा नम्बर ५ देवीघाटमा विभिन्न कलाकारहरुको प्रस्तुती सहित कार्यक्रम भएको हो ।
कार्यक्रममा कलाकारहरु शिवनारायण जोशी, दलबहादुर डँगोल, दामोदर खतिवडा, उद्धव कार्की, जनक लामा, अर्चना स्याङ्ताङ, कोपिला वाईबा तामाङ, ईन्द्र तामाङ लगायतका कलाकारहरुले विभिन्न साँस्कृतीक प्रस्तुती प्रस्तुत गर्नुभएको थियो ।
यस्तै कार्यक्रममा विभिन्न क्षेत्रमा योगदान गर्नुभएको भन्दै दुई जनालाई सम्मान गरिएको छ । नेपाली भाषा साहित्य र पत्रकारिताका माध्यमबाट नेपाली समाजको सकारात्मक रुपान्तरणमा चार दशक भन्दा बढि समय समर्पित गर्नुभएका श्याम प्रसाद रिमाल र नुवाकोटमा व्यापार प्रर्वद्धन र रोजगार सिर्जनामा खेल्नुभएको नेतृत्वदायी भुमिकाको उच्च प्रशँसा गर्दै खिल बहादुर अधिकारीलाई सम्मान गरिएको नुवाकोट एफएमका स्टेशन म्यानेजर श्रीराम अधिकारीले बताउनुभयो ।
नेपाल शान्ति विकास एवम् विकास केन्द्रका अध्यक्ष शिव प्रसाद न्यौपानेको अध्यक्षतामा भएको कार्यक्रममा विभिन्न व्यक्तिहरुको आतित्थ्यता रहेको थियो ।
