धादिङको धुनिवेशीमा रहेको रेडियो राजमार्ग ९२.१ मेगाहर्जले आफ्नो वार्षिक उत्सव तथा पर्यटन दिवसकोे अवसरमा अन्तरक्रिया कार्यक्रम गरेको छ । पर्यटन प्रर्वद्धनमा पालिकाको प्रयास, योजना, सम्भावना र चुनौती विषयक अन्तरक्रिया कार्यक्रम गरेको हो ।
कार्यक्रममा सँघिय साँसद राजेन्द्र पाण्डे सँगै धादिङ, नुवाकोट र मकवानपुरका स्थानिय तहका ६ जना प्रमुखको सहभागिता रहेको थियो । कार्यक्रममा सहभागीले आफ्नो पालिका तथा क्षेत्रमा पर्यटन प्रर्वद्धनका लागि भएका प्रयास, योजना तथा सम्भावना सँगै चुनौतीहरुको बारेमा कुरा राख्नुका साथै प्रतिवद्धता व्यक्त गर्नुभएको रेडियो राजमार्गका स्टेशन म्यानेजर आशिष ठकुरीले बताउनुभयो ।
कार्यक्रममा धुनिवेशी नगरपालिकाका मेयर बालकृष्ण आचार्य, थाक्रे गाउँपालिकाका अध्यक्ष रामकुमार आचार्य, गल्छी गाउँपालिकाका अध्यक्ष केदार खतिवडा, बेनिघाट रोराङ गाउँपालिकाका अध्यक्ष कृष्ण बहादुर थपलिया विवेक, नुवाकोटको बेलकोटगढी नगरपालिकाका मेयर जगत बहादुर गुरुङ र थाहा नगरपालिकाका प्रमुख विष्णु विष्टको सहभागिता थियो ।
रेडियो राजमार्ग शुक्रबारबाट १३ वर्ष पुरा गरेर १४ वर्षमा प्रवेश गरेको छ ।
