काठमाडौँ । राष्ट्रिय कुखुरा बिक्री व्यवसायी संघले ब्रोइलर कुखुराको भाउ बढाएको छ । जिउँदो कुखुराको मूल्य प्रतिकिलो १० रुपैयाँ र तयारी मासुको प्रतिकिलो १५ रुपैयाँले बढेको हो ।
राष्ट्रिय कुखुरा बिक्री व्यवसायी संघका अनुसार अब प्रतिकिलो जिउँदो कुखुराको २५० रुपैयाँ पर्ने छ ।
यस्तै, तयारी मासुको प्रतिकिलो ३१५ रुपैयाँ निर्धारण गरेको छ । तर अहिले संघले निर्धारण गरेको मूल्य भन्दा बढी खुद्रा मूल्य पर्ने गरेको छ ।
