धादिङको थाक्रे गाउँपालिका–८ मा रहेको श्री महाङकालेश्वरी माध्यमिक विद्यालयमा सरस्वतीको मूर्तिको प्राणप्रतिष्ठा गरिएको छ ।
सरस्वती पूजाको अवसर पारेर मुर्तिको प्राणप्रतिष्ठा गरीएको हो। विद्यालय परिसरमा स्थापना गरिएको मन्दिरमा रहेको मुर्तिलाई विधिपूर्वक प्राणप्रतिष्ण गरिएको भूतपुर्व विद्यार्थी समुहका अध्यक्ष प्रकाश थापाले जानकारी दिनु भयो।
पूर्व विद्यार्थी समूह “भूतपूर्व विद्यार्थीको अभियान, विद्यालयको उन्नतिको साथै गुरुहरूको सम्मान” भन्ने मुल नाराको साथ भूतपूर्व विद्यार्थीहरूको समुहको सहयोगमा सरस्वती मन्दिर निर्माण गरिएको विद्यालयले बताएको छ ।थाक्रे –८ का वडाअध्यक्ष प्रेम कुमार थापाको उपस्थितिमा मूर्तिको प्राणप्रतिष्ठा गरिएको हो । सो अवसरमा स्थानीय समाजसेवी, शिक्षकशिक्षिका भूतपृर्व विद्यार्थी तथा विद्यार्थीहरुको सहभागीता थियो ।
