कृषि तथा पशुपन्छी विकास मन्त्री रामनाथ अधिकारीले सरकार कृषिको यान्त्रिकीकरणमा जोड दिइरहेको बताएका छन् । नेपाल कृषि मेसिनरी व्यवसायी संघ ९नामिया० को नवौँ वार्षिक साधारणसभामा मन्त्री अधिकारीले कृषिको आयात प्रतिस्थापनका लागि कृषिको आधुनिकीकरण तथा व्यवसायिकीकरणमा सरकार योजनाबद्ध तरिकारले अगाडि बढेका बताए ।
‘देश हरेक कुरामा परनिर्भर छ, आत्मनिर्भर हुन कृषिको विकास आवश्यक छ,’ उनले भने, ‘कृषिमा चाहेजति बजेट नभएकै कारण सोचेजस्तो काम गर्न सकिएको छैन ।’
त्यसअघि आफ्नो धारणा राखेका नेपाल वाणिज्य महासंघका अध्यक्ष चन्द्र ढकालले सरकारले काम गरेजस्तो देखाए पनि त्यसको परिणाम नदेखिएको बताए । ‘प्रधानमन्त्री, कृषि मन्त्री, कृषि सचिवले काम गरेको देखाइरहेका हुन्छन् तर त्यसको नतिजा सकारात्मक देखिएको छैन,’ उनले भने, ‘सरकारले काम गर्न आफ्नो एटिच्युड ठिक हुनुपर्छ ।’ अर्थतन्त्रको मेरुदण्ड कृषि रहेको र यसलाई व्यावसायिक रूपले बढाउन निजी क्षेत्रले सरकारलाई सघाउने उनले बताए ।
