धादिङ । शिक्षकहरुलाई एकीकृत पाठ्यक्रम सम्बन्धि ३ दिने क्लस्टर तहको तालिम धादिङको बेनीघाट रोराङ गाउँपालिकाको वार्ड न ६ को स्यादुलमा सुरु भएको छ ।
आइतबार देखि सुरु भएको तालिम १३ गते मंगलबार सम्म सञ्चालन हुने छ। शिक्षामा पहुँच सुनिश्चितता परियोजना अन्तर्गत ६ नम्बर वडामा रहेका ५ वटा विद्यालयका कक्षा १–३ मा अध्यापनरत १७ जना शिक्षकहरुको सहभागिता रहेको छ ।
तालिममा एकीकृत पाठ्यक्रमको सैद्धान्तिक जानकारी, शिक्षण विधिका ८ वटा चरणहरु, बालमैत्री शिक्षण शिकाइ, म गर्छु , हामी गर्छौ र तिमी गर भन्ने विधिका बारेमा सहजकर्ता योगेन्द्र चापागाईं जानकारी दिनु हुने छ। विद्यालय व्यवस्थापन समिति अध्यक्ष दल बहादुर मगरले उद्घाटन गर्नुु भएको तालिमको सहजीकरण सहजकर्ता योगेन्द्र चापागाईंले गर्नु भएको छ ।
तालिम चाइल्डफन्ड जापानको आर्थिक तथा प्राविधिक सहयोगमा बेनिघाट रोराङ गाउँपालिकाको समन्वयमा प्रयास नेपाल धादिङले सेफ परियोजना सञ्चालन गर्दै आएको छ । यस अघि वडा नम्बर ८ र १० मा तीन दिन तालिम सम्पन्न भएको सेफ परियोजनाका प्रबन्धक सन्तोष सत्यालले जानकारी दिनु भयो।
