धादिङ । नेवार समुदायले धादिङमा शनिबारदेखि यो वर्षको लाखे नाच सुरु भएको छ।
सस्कृतिको जगेर्ना गर्न भन्दै युवा पुस्तालाई विभिन्न किसिमका तालिमसमेत दिँदै आएका सदरमुकाम धादिङबेसी र आसपासका नेवारी समुदायका मानीसहरू बिचबजारमा भेला भइ गणेश मन्दिरबाट पुजा आरधना गरी लाखे नाछ सुरू गरेका हुन ।
लाखे नाचसँगै जात्रामा ढोल, झ्याम्टा बजाउँदै, टाकटुके नाच, रोपाइँ नाच, विभिन्न हास्य व्यङ्गयात्मक कार्यक्रम, जातीय संस्कृति र परम्परा अनुसारको नाच प्रदर्शन गर्दै बजारको परिक्रमा गर्ने चलन रहँदै आएको छ ।
सदरमुकाम धादिङबेसिमा बिचबजार र सितल बजारमा लाखे नाचसहित गाइजात्रा मनाउने गरिन्छ ।
