नेपाली कम्युनिष्ट पार्टी धुनिवेशी नगर कमिटिद्वारा आयोजित अगुवा कार्यकर्ता भेला कार्यक्रम सम्पन्न भएको छ।
धादिङको धुनिवेशी नगर पालिकाको पुरानो धार्केमा आयोजित उक्त भेलालाई धादिङ क्षेत्र नम्बर १ का उम्मेदवार राजेन्द्र प्रसाद पाण्डे र नेता शालिकराम जम्कटेलले सम्बोधन गर्नुभएको थियो।
उहाँहरूले आगामी राजनीतिक कार्यदिशा, संगठन सुदृढीकरण तथा प्रतिनिधि सभा निर्वाचन तयारीका विषयमा कार्यकर्ताहरूलाई स्पष्ट मार्गदर्शन दिनुभएको छ।
कार्यक्रममा नगरभित्रका करिब पाँचसय भन्दा बढि नेता तथा कार्यकर्ताहरूको सहभागिता रहेको थियो। सहभागीहरूले पार्टीलाई अझ सशक्त र संगठित बनाउँदै निर्वाचनमा जनतामाझ सक्रिय रूपमा प्रस्तुत हुनुपर्ने धारणा राखेका छन्।
भेलाले आगामी निर्वाचनका लागि संगठन विस्तार, जनसम्पर्क अभियान र समसामयिक राजनीतिक विषयमा साझा धारणा बनाउँदै अघि बढ्ने निष्कर्ष निकालेको नेकपा धुनिवेशीले जनाएको छ।
