धादिङ । धादिङको धुनिवेशी नगरपालिकामा रहेको मच्छिन्द्र बहुमुखी क्याम्पसको १५औँ क्याम्पस सभा तथा छैटौँ अधिवेशन सम्पन्न भएको छ।
चैत २८ गते सम्पन्न अधिवेशनबाट आगामी तीन वर्षका लागि माधवप्रसाद सिलवालको अध्यक्षतामा नयाँ कार्यसमिति निर्वाचित भएको हो। नवनिर्वाचित कार्यसमितिका सदस्यहरूमा निरु खरेल, रञ्जित पाठक, विनोद आचार्य, रामकुमार थापा, सुवास श्रेष्ठ र राजेश भट्टराई चयन भएका छन्।
अधिवेशनले क्याम्पसको समग्र शैक्षिक तथा भौतिक विकासलाई प्राथमिकतामा राख्दै आगामी कार्ययोजना अघि बढाउने अपेक्षा गरिएको छ।
यसैबीच, क्याम्पस परिवारले निवर्तमान कार्यसमितिले आफ्नो कार्यकालमा पुर्याएको योगदानको प्रशंसा गर्दै आभार व्यक्त गरेको छ।
