धुनिवेशी, धादिङ । धुनिवेशी नगरपालिकाले नगरभित्रका सबै वडाहरूमा रहेका गाई तथा भैँसीका लागि संक्रामक रोग विरुद्धको खोप अभियान सुरु गर्ने भएको छ । नगरपालिकाको पशुुपन्छी विकास शाखाले एक सूचना जारी गर्दै लम्पी स्किन र खोरेत रोग विरुद्धको खोप तथा प्रभावकारिता परिक्षण कार्यक्रम सञ्चालन गर्न लागेको जानकारी दिएको हो ।
चालु आर्थिक वर्ष २०८२/८३ को स्वीकृत वार्षिक कार्यक्रम अन्तर्गत आगामी वैशाख २१ गतेदेखि यो अभियान सञ्चालन हुने पशुपन्छी विकास शाखाका प्रमुख डा. सुरज भण्डारीले बताउनुभयो ।
खोप अभियानबारे थप जानकारी आवश्यक परेमा नगरपालिकाको फोकल पर्सन सरिता घर्ती मगर (९८६०३०६१७८) वा पशुुपन्छी विकास शाखाको कार्यालयमा सम्पर्क गर्न सकिने शाखाले जनाएको छ ।
पशुुहरूमा महामारीका रूपमा फैलन सक्ने यी रोगहरूबाट बचाउन र आर्थिक क्षति कम गर्न यो खोप अभियान प्रभावकारी हुने शाखाका डा भण्डारीको भनाई छ ।
सम्बन्धित वडा कार्यालय वा तोकिएका प्राविधिकहरूसँग समन्वय गरी आफ्ना गाईभैँसीलाई सुरक्षित बनाउन नगरपालिकाले विशेष आग्रह गरेको छ ।
यस्तो छ सुचना
