धादिङ । राष्ट्रिय पोषण लेखाजोखा कार्यक्रम अन्तर्गत गल्छी गाउँपालिका वडा नं। ४ मासटारस्थित जनकल्याण माध्यमिक विद्यालय मा पाँच वर्ष मुनिका बालबालिकाहरुको पोषण अवस्था लेखाजोखा तथा पोषण प्रदर्शनी कार्यक्रम सम्पन्न गरिएको छ।
कार्यक्रममा पाँच वर्ष मुनिका बालबालिकाहरुको पाखुराको नाप, तौल तथा उचाइरलम्बाइ मापन गरी पोषण अवस्थाको मूल्याङ्कन गरिएको थियो। साथै अभिभावकहरुलाई सन्तुलित आहार, बाल पोषण तथा स्वस्थ जीवनशैली सम्बन्धी जानकारी प्रदान गरिएको थियो।
वैशाख १५ गतेदेखि सञ्चालन भएको कार्यक्रम अन्तर्गत वैशाख ३० गते बुधबार सम्पन्न कार्यक्रममा जम्मा ९२ जना पाँच वर्ष मुनिका बालबालिकाले सेवा लिएका थिए। कार्यक्रममा स्थानीय जनप्रतिनिधि, स्वास्थ्यकर्मी, विद्यालय परिवार तथा अभिभावकहरुको सक्रिय सहभागिता रहेको थियो।
