धादिङ । गल्छी गाउँपालिकाले लोक सेवा आयोग तथा प्रदेश लोक सेवा आयोगको तयारी कक्षा सञ्चालन गर्ने भएको छ । गाउँपालिकाले सूचना जारी गर्दै स्थायी बसोबास गर्ने नागरिकलाई सरकारी सेवामा प्रवेश सहज बनाउने उद्देश्यले यस्तो कार्यक्रम ल्याइएको जनाएको हो ।
गाउँपालिकाको वार्षिक स्वीकृत कार्यक्रम अन्तर्गत सञ्चालन हुने उक्त तयारी कक्षामा सहभागी हुने परीक्षार्थीका लागि ७५ प्रतिशत लागत गाउँपालिकाले व्यहोर्नेछ भने २५ प्रतिशत रकम सहभागी स्वयंले व्यहोर्नुपर्ने जनाइएको छ ।
सूचना अनुसार गाउँपालिकाभित्र स्थायी रूपमा बसोबास गर्ने इच्छुक नागरिक तथा गाउँपालिकाभित्र सेवारत राष्ट्रसेवक शिक्षक र कर्मचारीहरूले ७ दिनभित्र गाउँपालिकामा निवेदन पेश गर्न सक्नेछन् । इच्छुक व्यक्तिले आवश्यक कागजातसहित गाउँपालिकाको कार्यालय बैरेनी, धादिङमा निवेदन दिन वा इमेलमार्फत पठाउन सक्ने व्यवस्था गरिएको छ ।
आवश्यक कागजातमा नेपाली नागरिकताको प्रतिलिपि, शैक्षिक योग्यता तथा आवश्यक प्रमाणपत्रको प्रतिलिपि र सेवामा रहेका व्यक्तिका हकमा कार्यरत निकायको प्रमाण समावेश गरिएको छ । सहभागीको उमेर हद पुरुषतर्फ १८ वर्ष पूरा भई ३५ वर्ष ननाघेको तथा महिला वा अपाङ्गताको हकमा ४० वर्ष ननाघेको हुनुपर्ने सूचनामा उल्लेख छ ।
यस्तो छ, सुचना :
