धादिङ । धादिङको गल्छी गाउँपालिका–२ वरभञ्ज्याङमा रहेको परिवर्तनशील बाल सञ्जालको आयोजनामा बाल सञ्जालको बैठक तथा वडा कार्यालय परिसरमा फूल रोपण कार्यक्रम सम्पन्न भएको छ।
“बालबालिकामा लगानी ः सुनिश्चित भविष्यको थालनी“ भन्ने नारासहित आयोजित कार्यक्रममा वडा नं. २ कार्यालय भवन परिसरमा विभिन्न प्रजातिका फूलका बिरुवा रोपिएको थियो। कार्यक्रममार्फत वातावरण संरक्षण, सरसफाइ तथा हरियाली प्रवद्र्धनमा बालबालिकाको सहभागिता अभिवृद्धि गर्ने उद्देश्य राखिएको आयोजकले जनाएको छ।
बाल सञ्जालका सदस्यहरूको सहभागितामा सम्पन्न कार्यक्रममा सञ्जालको नियमित बैठकसमेत बसेको थियो। बैठकमा बालअधिकार, बालमैत्री वातावरण निर्माण तथा आगामी गतिविधिबारे छलफल गरिएको जनाइएको छ।
स्थानीय तहमा बालमैत्री वातावरण निर्माण र बालबालिकाको सक्रिय सहभागिता सुनिश्चित गर्न यस्ता कार्यक्रमले सकारात्मक सन्देश प्रवाह गर्ने अपेक्षा गरिएको वडा बालमैत्री सहजकर्ता विमल श्रेष्ठले बताउनु भयो।
