शुक्रवार, मंसिर ४ गते २०८३

Friday, Nov 20 2026 शुक्रवार, मंसिर ४ गते २०८३

एकैदिन १०२ जनाको डिस्चार्ज, कोरोना निको हुनेको संख्या ४६७ पुग्यो

एकैदिन १०२ जनाको डिस्चार्ज, कोरोना निको हुनेको संख्या ४६७ पुग्यो

नागरिक पाटी

२५, जेठ २०७७
  • 9.6K
    SHARES
  • एकैदिन १०२ जनाको डिस्चार्ज, कोरोना निको हुनेको संख्या ४६७ पुग्यो

    काठमाडौं । नेपालमा आइतवार एकै दिन १०२ कोभिड–१९ का संक्रमित उपचारपछि डिस्चार्ज भएका छन् । योसँगै अहिलेसम्म ४६७ जनाले कोभिड–१९ लाई जितेका छन् ।

    images

    कोभिड–१९ का संक्रमित दिनहुँ बढिरहे पनि निको भएर घर फर्कनेको संख्या पनि क्रमिक रुपमा बढ्दै गएको छ । हिजो शनिवार ३२ जना कोभिड–१९ जितेर घर फर्केका थिए भने त्यसअघि शुक्रवार एकै दिन ४३ जनाले संक्रमण जितेका थिए ।

    स्वास्थ्य तथा जनसंख्या मन्त्रालयका अनुसार विभिन्न अस्पतालबाट १०२ जना डिस्चार्ज भएका छन् । डिस्चार्ज हुनेहरुमध्ये दुई महिला र १०० पुरुष रहेका छन् ।

    अहिलेसम्म डिस्चार्ज हुनेको संख्या ४६७ पुगेको छ । तीमध्ये पुरुष ३९९ र महिला ६८ जना रहेका छन् । उनीहरुमध्ये धरानस्थित बिपी कोइराला स्वास्थ्य विज्ञान प्रतिष्ठानबाट १२ जना छन् । ती सबै झापाका हुन् । त्यस्तै बाराका ३४ र महोत्तरीका एकजना छन् ।

    बुटवल कोरोना अस्पतालबाट २७ जना डिस्चार्ज भएका छन् । उनीहरु रुपन्देही र कपिलवस्तुका हुन् । कोरोना विशेष अस्पताल दाङबाट बाँके बर्दिया र कपिलवस्तु र दाङका १० जना डिस्चार्ज भएका छन् । रौतहट गौरबाट सबै रौतहटका १८ जनाले कोभिड जितेर घर फर्किएका छन् । रासस

    images
    images
    images
    images
    प्रकाशित मिति :जेठ २५, २०७७ आइतवार - २०:२२:५९ बजे

    नागरिक पाटी

    आशिष मिडिया नेटवर्क प्रा.लि. द्धारा सञ्चालित डिजिटल अनलाईन पत्रिका नागरिकपाटी डटकम २०७२ सालदेखि सञ्चालनमा रहेको नेपाली भाषाको न्युज पोर्टल हो । नागरिकपाटीले विशेष गरि अर्थ–राजनीतिक मुद्दामा केन्द्रित रहेर समाचार प्रकाशन गर्ने गर्दछ । स्थानीय सरकारका गतिविधिका साथै विकास निर्माण, सुरक्षा,अपराध, कृषी,पर्यटन, सडक, विज्ञान- प्रविधि, रोजगारी, स्वास्थ्य, शिक्षा, मनोरञ्जन, साहित्य लगायतका सामाजिक–सांस्कृतिक मुद्दाका समाचार हाम्रा प्राथमिकताका क्षेत्र हुन् ।

    Copyright © All right reserved to Aashish Media Network Pvt. Ltd. Site By: SobizTrend Technology