शुक्रवार, मंसिर ४ गते २०८३

Friday, Nov 20 2026 शुक्रवार, मंसिर ४ गते २०८३

आज थप ४४८ जनामा कोरोना संक्रमण, संक्रमितका संख्या ५ हजार माथी

आज थप ४४८ जनामा कोरोना संक्रमण, संक्रमितका संख्या ५ हजार माथी

नागरिक पाटी

३०, जेठ २०७७
  • 8.6K
    SHARES
  • आज थप ४४८ जनामा कोरोना संक्रमण, संक्रमितका संख्या ५ हजार माथी


    काठमाण्डौ । नेपालमा आज शुुक्रवार थप ४ सय ४८ जनामा कोरोना संक्रमण पुष्टि भएको छ । थपिएकामध्ये ४ सय २४ जना पुरुष छन् भने २४ जना महिला संक्रमित छन् । योसँगै नेपालमा कुल संक्रमितको संख्या ५ हजार ६२ पुगेको छ । कुल संक्रमितमध्ये ४ हजार ७ सय ९ जना पुरुष संक्रमित छन् भने ३ सय ५३ जना महिला संक्रमित छन् ।

    images

    स्वास्थ्य मन्त्रालयको नियमित मिडिया ब्रिफिङमा मन्त्रालयका प्रवक्ता प्रा. डा जागेश्वर गौतमले आज नेपालमा एकैपटक ४४८ जनामा कोरोना संक्रमण पुष्टि भएको जानकारी दिँदै उनीहरु सबैको स्वासथ्य अवस्था सामान्य रहेको बताए । उनीहरु चिकित्सकको निगरानीमा रहेका छन् । उनीहरुको सम्पर्कमा रहेकाहरुको कन्ट्याक ट्रेसिङ भईरहेको छ । नेपालमा हिजो बिहीवार एकैदिन २५० जनामा संक्रमण पुष्टि भएको थियो । आज थपिएका संक्रमितको संख्या एकैदिन पुष्टि भएका संक्रमितको हालसम्मकै उच्च संख्या हो ।

    यसैबीच नेपालमा कोरोना भाइरसको महामारीका कारण अहिलेसम्म १६ जनाको मृत्यु भएको छ भने ८७७ जना स्वास्थ्योपचार पछि निको भएका छन् । आज मात्रै नेपालमा थप १६ जनाले कोरोनालाई जितेर घर फर्किएका छन् । देशका ७७ मध्ये ७२ वटा जिल्लामा यो संक्रमण फैलिएको छ । ७ प्रदेशमध्ये कोरोनाको सबैभन्दा धेरै प्रभाव प्रदेश २ मा परेको छ ।

    images
    images
    images
    images
    प्रकाशित मिति :जेठ ३०, २०७७ शुक्रवार - १६:४५:५६ बजे

    नागरिक पाटी

    आशिष मिडिया नेटवर्क प्रा.लि. द्धारा सञ्चालित डिजिटल अनलाईन पत्रिका नागरिकपाटी डटकम २०७२ सालदेखि सञ्चालनमा रहेको नेपाली भाषाको न्युज पोर्टल हो । नागरिकपाटीले विशेष गरि अर्थ–राजनीतिक मुद्दामा केन्द्रित रहेर समाचार प्रकाशन गर्ने गर्दछ । स्थानीय सरकारका गतिविधिका साथै विकास निर्माण, सुरक्षा,अपराध, कृषी,पर्यटन, सडक, विज्ञान- प्रविधि, रोजगारी, स्वास्थ्य, शिक्षा, मनोरञ्जन, साहित्य लगायतका सामाजिक–सांस्कृतिक मुद्दाका समाचार हाम्रा प्राथमिकताका क्षेत्र हुन् ।

    Copyright © All right reserved to Aashish Media Network Pvt. Ltd. Site By: SobizTrend Technology