काठमाण्डौं । कोरोना भाइरस स् थप २ सय ७३ मा संक्रमण पुष्टि, मर्नेको संख्या १८ पुग्यो । नेपालमा पछिल्लो २४ घण्टामा थप २ सय ७३ जनामा कोरोना भाइरसको संक्रमण देखिएको छ। यससँगै देशभर संक्रमितको संख्या ५ हजार ३ सय ३५ पुगेको छ।
शनिवार स्वास्थ्य मन्त्रालयका प्रवक्ता जागेश्वर गौतमले नियमित प्रेस ब्रिफिङमा दिएको जानकारी अनुसार नयाँ संक्रमितमध्य २ सय ४७ जना पुरुष हुन् भने ३६ जना महिला रहेका छन्। पछिल्लो २४ घण्टामा कोरोना भाइरस संक्रमण मुक्त हुनेको संख्या ३६ रहेको छ। जससँगै संक्रमण मुक्त हुनेको संख्या ९ सय १३ पुग्यो।
त्यस्तै कोरोना भाइरस संक्रमणकै कारण थप २ जनाको मृत्यु भएको छ। प्रवक्ता गौतमका अनुसार पर्साका २५ वर्षीय पुरुष र बाराका ५ वर्षीय बालकको मृत्यु भएको हो। जससँगै मर्नेको संख्या १८ पुगेको छ। हालसम्म ७२ जिल्लामा संक्रमित देखिएका छन्।
