शुक्रवार, मंसिर ४ गते २०८३

Friday, Nov 20 2026 शुक्रवार, मंसिर ४ गते २०८३

भूकम्प गएको पाँच वर्ष बितिसक्दा पनि हजारौं घरपरिवार जोखिमयुक्त बस्तीमा

भूकम्प गएको पाँच वर्ष बितिसक्दा पनि हजारौं घरपरिवार जोखिमयुक्त बस्तीमा

नागरिक पाटी

२०, आषाढ २०७७
  • 8.0K
    SHARES
  • भूकम्प गएको पाँच वर्ष बितिसक्दा पनि हजारौं घरपरिवार जोखिमयुक्त बस्तीमा

    काठमाडौं । भूकम्प गएको पाँच वर्ष बितिसक्दा पनि हजारौं सर्वसाधारण जोखियमुक्त बस्तीमा बस्न बाध्य भइरहेका छन् । नेपालमा महाभूकम्प २०७२ का कारण हजारौं घरपरिवार जोखियुक्त बस्तीमा छन् । उनीहरुको उचित व्यवस्थापनमा सरकारको ढिलाइ र बेवास्ता भएको पाइएको छ । सरकारी ढिलासुस्ती, कानुनी तथा आर्थिक जटिलतालगायतका कारण अहिले पनि हजारौं घरपरिवार जोखिमयुक्त बस्तीमा नै बसिरहेका छन् ।

    images

    स्थानान्तरण, जग्गा खरिदका लागि अनुदान वितरण तथा एकीकृत बस्ती निर्माणमा ढिलाइ हुँदा जोखिमयुक्त बस्तीमा रहेकाहरुको सुरक्षामा पनि चिन्ता थपिएको छ । बाढीपहिरोका कारण जोखिमयुक्त क्षेत्रमा बसोबास गरिरहेकाको सुरक्षामा पनि खतरा थपिएको छ ।

    राष्ट्रिय पुनर्निर्माण प्राधिकरणले लकडाउनअघि ४ हजार ८ सय २९ भूकम्प प्रभावित घरपरिवारमध्ये ६ सय २९ घरपरिवारलाई मात्र जग्गा उपलब्ध गराएको छ । प्राधिकरणले २ हजार ३ सय ९३ घरपरिवारलाई जग्गा खरिद अनुदान उपलब्ध गराएको जनाएको छ ।

    भूकम्पपछिको पुनर्निर्माणको जिम्मेवारी पाएको प्राधिकरणले जोखिमयुक्त बस्तीमा रहेका लाभग्राहीलाई एकीकृत बस्ती विकास गरी स्थानान्तरणको कार्य अघि बढाएकामा हालसम्म ९ एकीकृत बस्तीको मात्र कार्य सम्पन्न भएको पाइएको छ । बस्ती स्थानान्तरणमा पनि सरकारी ढिलासुस्ती भएको पाइएको छ । राजधानी दैनिक बाट

    images
    images
    images
    images
    प्रकाशित मिति :आषाढ २०, २०७७ शनिवार - ११:२७:१० बजे

    नागरिक पाटी

    आशिष मिडिया नेटवर्क प्रा.लि. द्धारा सञ्चालित डिजिटल अनलाईन पत्रिका नागरिकपाटी डटकम २०७२ सालदेखि सञ्चालनमा रहेको नेपाली भाषाको न्युज पोर्टल हो । नागरिकपाटीले विशेष गरि अर्थ–राजनीतिक मुद्दामा केन्द्रित रहेर समाचार प्रकाशन गर्ने गर्दछ । स्थानीय सरकारका गतिविधिका साथै विकास निर्माण, सुरक्षा,अपराध, कृषी,पर्यटन, सडक, विज्ञान- प्रविधि, रोजगारी, स्वास्थ्य, शिक्षा, मनोरञ्जन, साहित्य लगायतका सामाजिक–सांस्कृतिक मुद्दाका समाचार हाम्रा प्राथमिकताका क्षेत्र हुन् ।

    Copyright © All right reserved to Aashish Media Network Pvt. Ltd. Site By: SobizTrend Technology