शुक्रवार, मंसिर ४ गते २०८३

Friday, Nov 20 2026 शुक्रवार, मंसिर ४ गते २०८३

काठमाडौँ उपत्यकामा भेटिएनन् कोरोना संक्रमित

काठमाडौँ उपत्यकामा भेटिएनन् कोरोना संक्रमित

नागरिक पाटी

३, श्रावण २०७७
  • 9.0K
    SHARES
  • काठमाडौँ उपत्यकामा  भेटिएनन् कोरोना संक्रमित

    काठमाण्डौँ । काठमाडौँ उपत्यकामा पछिल्लो २४ घण्टामा कोरोना संक्रमित थपिएका छैनन्। केहि समय अगाडि उपत्यकामा कोरोना संक्रमितको संख्या ह्वात्तै बढे पनि पछिल्ला केही दिनदेखि सो संख्यामा कमी आएको थियो । शुक्रबार उपत्यकामा भक्तपुरका २ र काठमाडौँका १ जनामा कोरोना पुष्टि भएको थियो।

    images

    शनिबार स्वास्थ्य मन्त्रालयको नियमित प्रेस ब्रिफिङमा मन्त्रालयका प्रवक्ता प्राडा जागेश्वर गौतमले पछिल्ले २४ घण्टामा देशभर गरेर ५७ जनामा कोरोना पुष्टि भएको जानकारी दिएका थिए।

    पछिल्लो २४ घण्टामा उपत्यकासहित देशभरका २७ प्रयोगशालामा ३ हजार ३३१ जनाको पीसीआर परीक्षण गरिएको प्रवक्ता गौतमले जानकारी दिए।

    शनिबार थप ५७ जना थपिएसँगै नेपालमा कोरोना संक्रमितको संख्या १७ हजार ५०२ पुगेको छ भने सक्रिय संक्रमितको संख्या ५ हजार ८२५ रहेको छ।

    नेपालमा पछिल्लो २४ घण्टामा थप १०३ जना कोरोना संक्रमित उपचारपछि निको भएर घर फर्केका छन्। यो सँगै कोरोनालाई जितेर अस्पतालबाट डिस्चार्ज हुनेको संख्या ११ हजार ६३७ पुगेको छ। त्यस्तै कोरोनाका कारण नेपालमा अहिलेसम्म ४० जनाको मृत्यु भइसकेको प्रवक्ता गौतमले जनाकारी दिए।

    images
    images
    images
    images
    प्रकाशित मिति :श्रावण ३, २०७७ शनिवार - १७:०७:४१ बजे

    नागरिक पाटी

    आशिष मिडिया नेटवर्क प्रा.लि. द्धारा सञ्चालित डिजिटल अनलाईन पत्रिका नागरिकपाटी डटकम २०७२ सालदेखि सञ्चालनमा रहेको नेपाली भाषाको न्युज पोर्टल हो । नागरिकपाटीले विशेष गरि अर्थ–राजनीतिक मुद्दामा केन्द्रित रहेर समाचार प्रकाशन गर्ने गर्दछ । स्थानीय सरकारका गतिविधिका साथै विकास निर्माण, सुरक्षा,अपराध, कृषी,पर्यटन, सडक, विज्ञान- प्रविधि, रोजगारी, स्वास्थ्य, शिक्षा, मनोरञ्जन, साहित्य लगायतका सामाजिक–सांस्कृतिक मुद्दाका समाचार हाम्रा प्राथमिकताका क्षेत्र हुन् ।

    Copyright © All right reserved to Aashish Media Network Pvt. Ltd. Site By: SobizTrend Technology