काठमाण्डौं । बाँकेमा कोरोनाबाट एक जनाको मृत्यु भएको छ। बाँकेका प्रमुख जिल्ला अधिकारी रामबहादुर कुरुम्बाङका अनुसार बाँकेको कोहलपुर मेडिकल कलेजमा उपचारत कोहलपुर नगरपालिका वडा नं २ की ७० वर्षीया महिलाको कोरोनाका कारण आइतबार दिउँसो मृत्यु भएको हो।
योसँगै बाँकेमा कोरोनाबाट मृत्यु हुनेको संख्या तीन पुगेको छ। यसअघि नरैनापुर र बैजनाथमा एकरएक जनाको मृत्यु भएको थियो। बाँकेमा कोरोना संक्रमितको संख्या दैनिक ठूलो संख्यामा बढिरहेको छ। आजमात्रै ३० जना प्रहरीसहित ४८ जना थपिएका थिए। शनिबार २०, शुक्रबार ४९, बिहीबार २८ जना थपिएका थिए। दैनिक ठूलो संख्यामा कोरोना थपिँदै गएपछि स्थानीय प्रशासनले गत शनिबारदेखि जारी रहेको निषेधाज्ञालाई बढाएको मात्रै छैन, नेपालगञ्ज बजार एरियालाई सील गरेर सेना परिचालन गरेको छ।
