बैरेनी । धादिङको गल्छि गाउँपालिका पुन एक हप्ताको लागि बन्द गरीएको छ । पहिलो पटक आह्वान गरेको बन्दको समय आज सकिनै लाग्दा पुन बैठक बसेर भदौ ९ गते सम्मको लागि बन्द गर्ने निर्णय भएको उपाध्यक्ष राधा तिमल्सिनाले बताउनुभयो । बुधबार पालिका स्तरिय विपद व्यवस्थापन समितिको बैठक बसी भदौ ९ गते सम्मको लागि बन्द गर्ने निर्णय भएको प्रमुख प्रशासकिय अधिकृत मोहन कृमार श्रेष्ठले बताउनुभयो ।
बैठकले गाउँपालिकाभित्र संक्रमण रोकथामका लागी भदौ ९ गते सम्म बन्द गर्ने निर्णय गरेको हो।गाउँपालिका र अन्तरगतका वडा कार्यालयहरु समेत बन्द गरिने भएको छ।
गाउँपालिकाले अत्यावश्यक बाहेकका होटल,रेष्टुरेन्ट, सहकारी, शैक्षिक संस्था लगाएतका व्यवसायहरु बन्द गर्न आग्रह गरेको छ। साथै खाद्यन्न पसलहरु भने विहान ७ बजेदेखी ९ बजेसम्म सुरक्षाको सामाग्री अपनाएर खोल्न सकिने निर्णय भएको प्रमुख प्रशासकिय अधिकृत श्रेष्ठले जानकारी दिनुभयो ।
