शुक्रवार, मंसिर ४ गते २०८३

Friday, Nov 20 2026 शुक्रवार, मंसिर ४ गते २०८३

नेपालमा लकडाउन अवधिभर २२ सयले गरे आत्महत्या

नेपालमा लकडाउन अवधिभर २२ सयले गरे आत्महत्या

नागरिक पाटी

१०, भाद्र २०७७
  • 18.2K
    SHARES
  • नेपालमा लकडाउन अवधिभर २२ सयले गरे आत्महत्या

    काठमाडौं । नेपालमा लकडाउन अवधिभर २२ सय भन्दा बढीले आत्महत्या गरेको पाइएको छ । प्रहरी प्रधान कार्यालयका अनुसार चैत ११ गतेबाट साउन ४ गतेसम्मको अवधिमा २२ सय १८ जनाले आत्महत्या गरेका हुन् ।

    images

    यो अवधिमा सबैभन्दा बढी आत्महत्याका घटना प्रदेश नम्बर ५ मा देखिएको छ । प्रदेश ५ मा लकडाउनका ११७ दिनमा ४२९ जनाले आत्महत्या गरेका छन् । जसमध्ये २३४ जना पुरुष छन् भने १५७ जना महिला छन् । १२ जना बालक र २६ बालिका पनि छन् ।

    यस्तै प्रदेश १ मा ३७१ जनाले आत्महत्या गरेका छन् । जसमा १९३ जना पुरुष र १३५ जना महिला छन् । २१ बालक र २२ बालिका पनि छन् ।

    प्रदेश २ मा लकडाउनका ११७ दिनमा ३०५ जनाले आत्महत्या गरेका छन् । जसमध्ये ११७ पुरुष र ११२ महिला छन् । २६ बालक र ५० बालिकाले पनि आत्महत्याको बाटो रोजेका छन् ।

    वाग्मती प्रदेशमा ३८५ जनाले आत्महत्या गर्दा २१३ पुरुष र १४५ जना महिला छन् । १० बालक र १७ जना बालिकाले पनि आत्महत्या गरेका छन् ।

    गण्डकी प्रदेशमा लकडाउनका ११७ दिनमा २४६ जनाले आत्महत्या गरेका छन् । १४१ पुरुष र ८२ महिला छन् । ११ बालक र १२ बालिकाले आत्महत्या गरेका छन् ।

    सबैभन्दा आत्महत्या कम हुने प्रदेशमा कर्णाली परेको छ । लकडाउनको ११७ दिनको अवधिमा कर्णाली प्रदेशमा ११९ जनाले आत्महत्या गरेका छन् । जसमा ७० पुरुष र ३८ महिला छन् । ५ बालक र ६ बालिका छन् ।

    सुदूरपश्चिम प्रदेशमा ११७ दिनमा २०४ जनाले आत्महत्या गरेका छन् । आत्महत्या गर्नेमा ११३ पुरुष, ७९ महिला, ६ बालक र ६ बालिका छन् ।

    यस्तै काठमाडौं उपत्यकामा १५९ जनाले आत्महत्या गरेका छन् । जसमा ९१ पुरुष, ६३ महिला, ३ बालक र २ बालिका छन् । यसरी ११७ दिनको औसत आत्महत्याको दर निकाल्ने हो भने दैनिक १८ जनाभन्दा बढीले आत्महत्या गरेको पाइएको छ ।

    लकडाउनबाहेक अन्य समयमा नेपालमा दैनिक १० देखि १४ जनासम्मले आत्महत्या गर्दै आएको प्रहरी तथ्याङ्‍कले देखाउँछ । नेपाल आत्महत्या गर्ने मुलुकमध्येको शीर्ष १०/१२ राष्ट्रभित्र पर्छ ।

    images
    images
    images
    images
    प्रकाशित मिति :भाद्र १०, २०७७ बुधवार - १५:१९:३५ बजे

    नागरिक पाटी

    आशिष मिडिया नेटवर्क प्रा.लि. द्धारा सञ्चालित डिजिटल अनलाईन पत्रिका नागरिकपाटी डटकम २०७२ सालदेखि सञ्चालनमा रहेको नेपाली भाषाको न्युज पोर्टल हो । नागरिकपाटीले विशेष गरि अर्थ–राजनीतिक मुद्दामा केन्द्रित रहेर समाचार प्रकाशन गर्ने गर्दछ । स्थानीय सरकारका गतिविधिका साथै विकास निर्माण, सुरक्षा,अपराध, कृषी,पर्यटन, सडक, विज्ञान- प्रविधि, रोजगारी, स्वास्थ्य, शिक्षा, मनोरञ्जन, साहित्य लगायतका सामाजिक–सांस्कृतिक मुद्दाका समाचार हाम्रा प्राथमिकताका क्षेत्र हुन् ।

    Copyright © All right reserved to Aashish Media Network Pvt. Ltd. Site By: SobizTrend Technology