धादिङ । धादिङका थप ९ जनामा कोरोना संक्रमण पुष्टि भए सँगै जिल्लामा सँक्रमण हुनेको सँख्या २११ पुगेको छ । शनिबार मात्र धादिङको त्रिपुरासुन्दरी गाउँपालिकाका ८ जना र बेनिघाट रोराङ गाउँपालिकाका १ जनामा संक्रमण पुष्टि भएको थियो ।
अहिले सम्म जिल्लाको नीलकण्ठ नगरपालिकामा ७५ जना, त्रिपुरासुन्दरी गाउँपालिकामा ४८ जना र ज्वालामुखी गाउँपालिकामा ३३ जना व्यक्ति कोरोनाबाट सँक्रमित भएका छन् । यस्तै धुनीबेसी नगरपालिका र थाक्रे गाउँपालिकामा १०/१० जना, नेत्रावती डबजोङ र गल्छीमा ६/६ जना, सिद्धलेक र गजुरीमा ५/५ जना, बेनिघाट रोराङ मा ४ जना, खनियाबासमा ३ जना, रुविभ्याली र गंगाजमुना गाउँपालिकामा १/१ जना र धादिङ घर भएका तर अन्य ठेगाना नखुलेका ४ गरी २ सय ११ जना रहेको स्वास्थ्य कार्यालय धादिले जनाएको छ । कार्यालयका अनुसार संक्रमितमध्ये निको हुनेको कुल सङ्ख्या १ सय ५६ पुगेको छ । धादिङमा कोरोना संक्रमणबाट अहिलेसम्म एक जनाको मृत्यु भएको छ ।
