काठमाडौं । विश्वब्यापी रुपमा फैलिएको कोरोना भाइरसका कारण अमेरिकी अर्थतन्त्रमा हालसम्मकै ठूलो गिरावट आएको छ । अमेरिकी वाणिज्य मन्त्रालयले सार्वजनिक गरेको अप्रिल–जून त्रैमासिकको दोस्रो अनुमानमा अर्थतन्त्रमा ३१.७ प्रतिशत घटेको देखिएको छ । जूनको त्रैमासिकमा अमेरिकी अर्थतन्त्र ३२.९ प्रतिशतले गिरावट आएको जनाएको थियो ।
यसअघि अमेरिकी अर्थतन्त्रमा सन् १९५८ मा सबैभन्दा ठूलो गिरावट आएको थियो । अमेरिकी अर्थतन्त्रमा वर्षको पहिलो त्रैमासिकमा ५ प्रतिशत गिरावट आएको थियो । लकडाउनका कारण गत जूनको त्रैमासमा विश्वको सबैभन्दा ठूलो अर्थतन्त्रमा व्यापार गतिविधिहरूमा घाटा हुँदा लाखौं श्रमिकहरू बेरोजगार भएका थिए । यस वर्षको पहिलो त्रैमासिकमा अमेरिकी अर्थतन्त्रमा ५ प्रतिशतले गिरावट आएको थियो ।
अमेरिकी अर्थतन्त्रमा आएको गिरावट तत्काल सुधार हुने देखिएको छैन । अमेरिकी अर्थशास्त्रीहरूका अनुसार अर्थतन्त्रमा छिट्टै सुधार आउने संकेत नदेखिएको हो ।
