धादिङ । धादिङका थप १ जना कोरोना संक्रमित निको भएर घर फर्किए सँगै निको हुनेको कुल संख्या १ सय ६३ पुगेको छ । सोमबार धुनिबेशी नगरपालिकाका १ जना डिस्चार्ज भएको स्वास्थ्य कार्यालय धादिङका हेल्थ असिस्टेन्ट मिलन रिजालले नागरिकपाटीलाई बताउनुभयो । यस अघि आईतबार मात्रै ६ जना संक्रमित डिस्चार्ज भएका थिए । अहिले सम्म धादिङमा कोरोना संक्रमणबाट एक जनाको मृत्यु भईसकेको छ ।
यस्तै धादिङमा जम्मा संक्रमितको सङ्ख्या २ सय १६ पुगेको छ । जसमा नीलकण्ठ नगरपालिकामा ७५ जना, त्रिपुरासुन्दरी गाउँपालिकामा ४८ जना र ज्वालामुखी गाउँपालिकामा ३४ जना रहेका छन्। यस्तै धुनीबेसी नगरपालिकामा १२ जना, थाक्रे गाउँपालिकामा १० जना, नेत्रावती डबजोङ र गल्छीमा ६र६ जना, सिद्धलेकमा ६ जना, गजुरीमा ५ जना, बेनिघाट रोराङमा ४ जना, खनियाबासमा ३ जना, रुविभ्याली र गंगाजमुना गाउँपालिकामा १र१ जना र धादिङ घर भएका तर अन्य ठेगाना नखुलेका ५ गरी २ सय १६ जना रहेका छन् ।
