धादिङ । नेपालमा कोरोना भाइरस संक्रमणबाट थप ६ जनाको मृत्यु भएको छ । स्वास्थ्य तथा जनसंख्या मन्त्रालयले आज थप ६ जनाको मृत्यु भएको औपचारिक रुपमा पुष्टि गरेको छ । पछिल्लो २४ घण्टामा मृत्यु हुनेमा ६ जना महिला र २ जना पुरुष रहेका छन् ।
मृत्यु हुने महिलामा चितवन, भक्तपुर, तनहुँ र रुपन्देहीका एक एक महिला रहेका छन् । त्यस्तै सिन्धुपाल्चोक र रुपन्देहीका का एक एक जना रहेको स्वास्थ्य मन्त्रालयका प्रवक्ता डा. जागेश्वर गौतमले जानकारी दिएका छन् ।
योसँगै नेपालमा कोरोना संक्रमणबाट मृत्यु हुनेको संख्या २५७ पुगेको छ । स्वास्थ्य मन्त्रालयका प्रवक्ता डाक्टर जागेश्वर गौतमले देशभर ३९४ महिला र ८३४ पुरुषसहित १२ सय २८ जना संक्रमित थपिएको जानकारी दिएका छन् । योसँगै नेपालमा कुल संक्रमितको संख्या ४२ हजार ८७७ पुगेको छ । नेपालमा हाल सक्रिय कोरोना संक्रमितको संख्या १८ हजार ४१३ रहेको छ ।
