धादिङ । धादिङमा जारी निषेधाज्ञा भदौ ३१ गते सम्म लम्बिएको छ । आज बसेको संकट व्यावस्थाप केन्द्रको बैठकले निषेधाज्ञालाई पुन एक हप्ता थप गर्ने निर्णय गरेको हो । कोभिड १९ संकट व्यवस्थापन केन्द्रका अध्यक्ष एवं प्रमुख जिल्ला अधिकारी पुण्य विक्रम पौडेलको अध्यक्षतामा बसेको बैठकले जारी निषेधाज्ञा भदौ ३१ गते मध्यरातसम्म बढाउने निर्णय गरेको हो।
निषेधाज्ञाको केहि प्रावधान भने खुकुलो बनाईएको छ । बजार खुल्ने समय लम्ब्याईएको छ भने यातायात, सैलुन, व्युटिपार्लर र जिम हल भने बन्द रहने भएका छन् । बैठकले पसल, बैंक तथा वित्तिय संस्था र कलकारखाना भने विहान ७ बजेदेखी ५ बजे सम्म खोल्ने निर्णय गरेको छ ।स्वास्थ्य मापदण्ड पालना गरी पसल सन्चालन गर्न समेत आग्रह गरीएको छ ।
