काठमाण्डौँ । नेपालमा पछिल्लो २४ घण्टामा थप १ हजार १ सय ७० जना कोरोना संक्रमित थपिएका छन्। यससँगै नेपालमा कोरोना संक्रमितको कुल संख्या ५५ हजार ३२९ पुगेको छ।
स्वास्थ्य मन्त्रालयका अनुसार उदयपुरका २, ओखलढुङ्गाका १९, झापाका ७, भोजपुरका २, मोरङका ३२, सुनसरीका ४६, धनुषाका ६, पर्साका ९, बाराका १२, महोत्तरीका १, सप्तरीका २, सर्लाहीका २, सिराहाका ३४, काठमाडौँका ४४०, काभ्रेका १८, चितवनका ३१, दोलखाका १, धादिङका ८, नुवाकोटका ३, भक्तपुरका ४३, मकवानपुरका १४, रामेछापका १, ललितपुरका २९, सिन्धुलीका १, कास्कीका ५४, गोर्खाका १०, तनहुँका १७, नवलपरासीपुर्वका २, लमजुङका ४, बागलुङका २, स्याङजाका २, अर्घाखाँचीका १, कपिलवस्तुका ६, गुल्मीका २, दाङका ४५, नवलपरासीका ७, पाल्पाका ७, बाँकेका २४, रुपन्देहीका ८१, रोल्पाका २, कालिकोटका १, जाजरकोटका २, दैलेखका ७, सल्यानका २, सुर्खेतका ३९, अछामका ५, कञ्चनपुरका ३, तथा कैलालीका ७० जनामा संक्रमण पुष्टि भएको हो।
स्वास्थ्य तथा जनसंख्या मन्त्रालयका अनुसार सोमबार ८७९ जना कोरोना संक्रमित डिस्चार्ज भएका छन्। हालसम्म डिस्चार्ज हुनेको संख्या ३९ हजार ५७६ पुगेको छ। यस्तै पछिल्लो २४ घण्टामा १० हजार ८७८ जनाको पीसीआर परीक्षण भएको छ। हाल देशभर सक्रिय संक्रमितको संख्या १५ हजार ३९३ रहेको छ। हाल ६ हजार ८९२ जना क्वारेन्टिनमा छन्। स्वास्थ्य मन्त्रालयका अनुसार देशभर १७९ जनाको आईसीयुमा र २९ जनाको भेन्टिलेटरमा उपचार भइरहेको छ।
