काठमाडौं । पछिल्लो २४ घण्टामा काठमाडौँ उत्यकामा ७११ जना कोरोना सङ्क्रमित थपिएको स्वास्थ्य तथा जनसङ्ख्या मन्त्रालयका प्रवक्ता डा जागेश्वर गौतमले जानकारी दिए । ती मध्ये काठमाडौँका ५७०, ललितपुरका ५८ तथा भक्तपुरका ८३ जना रहेका छन् । उनीहरूको उपत्यकाका विभिन्न प्रयोगशालामा परीक्षण गरिएको थियो । योसँगै काठमाडौँ उपत्यकामा कोरोना संक्रमितको सङ्ख्या १५ हजार ९४९ पुगेको छ ।
त्यसैगरी पछिल्लो २४ घण्टामा उपत्यकामा थप ५ जनाको कोरोनाबाट मृत्यु भएको छ । मृत्यु हुनेमा २ पुरुष तथा ३ महिला रहेका छन् । प्रवक्ता डा गौतमका अनुसार मृत्यु हुनेमा काठमाडौँका २ र ललितपुरका ३ जना रहेका छन् ।
