काठमाडौं। कोरोना भाइरसका कारण नेपालमा थप १६ जनाको मृत्यु भएको छ। स्वास्थ्य तथा जनसंख्या मन्त्रलयले दिएको जानकारी अनुसार पछिल्लो २४ घण्टामा ३ जना महिला र १३ जना पुरुषको कोरोना भाइरसकै कारण मृत्यु भएको छ।
यसरी मृत्यु हुनेमा मकवानपुरकी १६, ललितपुरकी ५८ र दोलखाकी ५२ वर्षीया महिला छन्। त्यस्तै, झापाका ७२, सुनसरीका ४९, पर्साका ८८, भक्तपुरका ८४ र ६२, काठमाडौंका ५८ र ७३, मकवानपुरका ६८, ललितपुरका ६१, चितवनका ५५, रुपन्देहीका ६७, बाँकेका ५० र ५९ वर्षीया पुरुषले पनि कोरोना कै कारण ज्यान गुमाएका छन्। यो सँगै नेपालमा हालसम्म कोरोना भाइरसको संक्रमणबाट मृत्यु हुनेको संख्या ४२७ पुगेको छ।
