काठमाडौं । कोरोना संक्रमणका कारण बितेको २४ घण्टामा थप दुईजनाको मृत्यु भएको छ । स्वास्थ्य तथा जनसंख्या मन्त्रालयका प्रवक्ता डा। जागेश्वर गौतमले मङ्गलबार नियमित पत्रकार सम्मेलनमार्फत दिएको जानकारी अनुसार उपत्यकामा पनि एकजनाको ज्यान गएको छ ।
आइतबार ज्यान गुमाउनेमा १ महिला र १ पुरुष रहेका छन् । योसँगै कोरोनाबाट नेपालमा मृत्यू हुनेको संख्या ४२९ पुगेको छ ।
मृत्यु हुनेमा काठमाडौंका ५० वर्षीय पुरुष तथा काभ्रेपलाञ्चोककी ५० वर्षीया महिला छन् ।
नेपालमा मङ्गलबार १३५६ जना कोरोना संक्रमित थपिँदा ८२३ जना निको भएर घर फर्किएका छन् । आइतबारसम्म नेपालमा कोरोना संक्रमितको संख्या ६६ हजार ६३२ पुगेको छ । अहिले सक्रिय संक्रमित १८ हजार १४२ जना रहेका छन् भने ४८ हजार ६१ जना निको भइसकेका छन् ।
