काठमाडौँ । नेपालमा कोरोना भाइरस संक्रमणबाट थप ७ जनाको मृत्यु भएको छ । स्वास्थ्य तथा जनसंख्या मन्त्रालयले पछिल्लो २४ घण्टामा थप ७ जनाको मृत्यु भएको औपचारिक रुपमा पुष्टि गरेको छ । पछिल्लो २४ घण्टामा मृत्यु हुनेमा एक जना महिला र ६ जना पुरुष रहेका छन् ।
मृत्यु हुने महिलामा काठमाडौँकी ६८ बर्षकी महिला छन् । त्यस्तै मृत्यु हुने पुरुषमा काठमाडौँका १६ बर्षका पुरुष, बर्दियाका दुई जना ६४ र ३९ बर्षका पुरुष, झापाका ८६ बर्षका पुरुष, सिराहाका ५० बर्षका पुरुष र ललितपुरका ७४ बर्षका पुरुष रहेको स्वास्थ्य मन्त्रालयका प्रवक्ता डा। जागेश्वर गौतमले जानकारी दिएका छन् । योसँगै नेपालमा कोरोनाबाट मृत्यु हुनेको संख्या ४३६ पुगेको छ ।
